Y bi scho syt 2003 unterwäggs als e freie und wilde Bangg an dr Basler Fasnacht und das mit voller Yberzygig, wie au mit Härzbluet. Y bi ganz elainig ooni Helgeträger, e Einzelmasgge im klassische Sinn soozesaage.
Das isch au dr Grund worum y e ebbis klainere Helge, wie au e klai Muusiginstrumänt bi mer traage due. Es isch halt aifach e weneli bequemer e so, mit nur zwai Händ.
Heere und gsee duet me my vorwiegent in de Cliquekäller und nur glägentlig in Baize wo die organisierte Bängg abstresse mien. Ebbe uus Rüggsicht vo däne arme ghetzte.
Wär myyni Melodie nit kennt, sie aber gärn wisse mecht, dä ka jo bi dr Rubrik Media yyneluege.
Ney bi y e freys, wilds Mitglied vo dr IG WUF syt 2013 ! Wer do neechers driiber wisse will, ka do bi de Linggs yyneluege.